今晚英超早场伦敦打吡，韦斯咸主场迎战车路士。韦斯咸近期表现稳定，防守能力好番好多，黄金战车左堆右砌都仲未砌靓部车，攻力欠奉问题仍有待改善，加上球队近9场联赛8次开2球或以下，今场向2.5球入球细埋手。
车路士上场主场斗富咸，两名新兵安素费南迪斯同梅迪历都正选上阵，但係火花欠奉。夏维斯喺前面踢落硬係格格不入，今场虽然有祖奥菲历斯停赛3场后复出，但领队朴达似乎仍未搵到最佳进攻套路，究竟新阵容点样摆先係最好，都仲要睇多两场。
不过可幸嘅係，车路士嘅失球数字已经大大减少，虽然对富咸同利物浦都入唔到波，但连同对上一场联赛斗水晶宫，车仔保持3场不失，算係攞番少少安慰。事实上，佢哋近9场联赛8次开2球或以下，预料今场踢法都係稳中求胜。
韦斯咸防守有改善
韦斯咸今季出人意表地大冧档，现时排17位，不过近期表现好番好多，上场联赛作客新土豪纽卡素，都能够逼和1比1，近5战取得3胜1和1负。呢5场锤仔帮只失过两球，更有3场能够保持不失，防守转趋稳健，今次主场斗另一支亿万大军，相信都係稳守突击为主，入球细值得跟进。球赛消息车仔未Run顺入球细扑锤
