意甲今轮最后一场，沙兰力坦拿主场迎战祖云达斯。祖云达斯因造假帐被扣分后，联赛已经争标无望，相信嚟紧重心都会放喺盃赛上，斗心成疑，不过佢哋连续3场联赛不胜兼失10球，今场点都会搞番好个后防，睇番祖记今季联赛作客踢法保守，近9仗8次开2球或以下，今场一于追2.5球入球细。
祖云达斯因过去3年造假帐同夸大球会收入，被意大利足总扣15分，依家以23分排13位，只比今场对手沙兰力坦拿多2分，同榜首拿玻里嘅56分有大段距离，肯定争标无望，要争前4都有啲忟水，如果要踢下届欧洲赛，赢盃赛係最好途径。
老妇人刚喺意盃8强以1比0淘汰拉素，4强斗国际米兰，另一边係克雷莫纳对费伦天拿，只要淘汰国米，相信捧盃唔难。另外，月中欧霸附加赛斗南特争16强资格，都係球队目标，只要赢到欧霸，下届又有欧联玩，所以联赛对佢哋嚟讲，只係练兵场地。
今季联赛作客少交收
不过，由于之前3场不胜，合共失咗10球，以祖云达斯兵力嚟讲又係肉酸咗啲，加上今场有射手米利克受伤缺阵，故此，今场对住攻力唔算好嘅沙兰力坦拿，应该会加强防守，减少失波之后再求一击即中赢波。沙兰力坦拿实力所限，近8场联赛只得1胜，对住祖云达斯亦只会死守博1分，加上祖记近9场联赛作客8次开细嘅表现，相信今场入球唔会多，入球细玩得过。球赛消息祖记搞好防务开细冇兰度
